كرسى الاعتراف

كرسي الاعتراف لعبه جميله جدا هتساعدنا اننا نتعرف على بعض اكتر نعرف افكار بعض
نعرف نبذه ولو بسيطه عن حياة كل شخص او عضو معانا في المنتدى قد يكون عضو مشارك او مشرف
او
حتى صاحب المنتدى خلونا ندردش مع بعض ونسئل العضو اللي على كرسي الاعتراف
ادق الاسئله العامه والشخصيه ونتعرف على حياته وافكاره حتى الاسئله
الشخصيه جدا(بس مش جدااوى اوي)والمطلوب من العضو انه يجاوب بصراحه وبجديه
.
الشخص
الذي يختاره ويتفق 10 اشخاص على انه يجلس على كرسي الاعتراف سيتم استدعائه
برساله خاصة الى الموضوع من الاشخاص اللي رشحوه للجلوس على الكرسي وهذ في
اول شخص فقط مؤقتا او في حالة عدم تواجد الشخص المدعو للكرسي ويتم جلوسه
على الكرسي لمدة أسبوووووع واخر واحد كان على كرسي الاعتراف عليه ترشيح
عضو اخر للجلوس على الكرسي بعده

ودعونا نبدأ

انا بقول نبدا بعاشقة الليل ههههههه

بقى كده ياحنان بتضحى بياا ماشى وعموما انا موافقه ياستى

هههههههههههههههههههههه
بقى كده مااااااااااااشى يا اسيرة
ده انا صاحبتك برده ههههههههههه

حلوة الفكرة جدا
انا عايز بنبدء بحنان القلب

هههههههههههه ليه كده بس يا خالد
خلينا فى عاشقة احسن ههههههههه

ههههههههههه
ايوة نبدء بحنان الاول

كده احنا عندنا 3 اصوات حنان و2لعاشقه وانا بدى صوتى لحنان

1 -اسمك الحقيقي ايه وسنك ودراستك
2 -انتى ايه رايك فى الصداقه بين الولد والبنت
3 -انتى مرتبطة ولا لا
4 -ايه مواصفات فتى احلامك
5- انتى برج ايه

وعموما اسيبك تردى عليا على ما اجهز اسئله تانيه يا جميل

ههههههههه اولا ميرسي على اللعبة جميلة جدا
تانيا خلاص الاصوات بترسي عليكي يا حنان يبقى انتي يا حنان انا بضم صوتي ليهم
يلا انا هشوف الاسئلة بعدين هبدا اسال

انتى فين يا حنان يالاجاوبى عالاسئله علشان لسه فى اسئله تانيه كتير

ههههههههههههههههه اه زنقت نفسها بس اللعبة حلوة جدا يلا يا حنان جاوبي علشان نسالك احنا كمان

يعنى كده انا انزل اللعبة وتيجى كده على دماغى خلاص
امرى لله هجاوب
الاسم:شيماء
السن:21
الدراسة:ان شاء الله الفرقة الرابعة نظم ومعلومات ادارية
مش مرتبطة
وانا برج العذراء
ومواصفات فتى احلامى انه اولا واهم حاجة يكون عارف ربنا وبيصلى
وانسان يكون على خلق محترم ذكى شخصيته قوية ويكون طويل ههههههه

ورايي فى موضوع الصداقة بين الولد والبنت من وجهة نظرى انه ممكن تكون فى صداقة بين الولد والبنت بس فى حدود
يعنى مش هعامله او اتصرف معاه زى ما بعامل وبتصرف مع صديقة ليا لازم يكون فى حدود بينهم ومتتخطاش

هههههههههههههههههههههه لا صريحة طيب انا اسال بقى
1- انت عمرك تخدعت قبل كده
2- تقولي ايه للي اول يجرحك
3- اجمل يوم في عمرك عدى كان امتى

بيكفي دا دلوقتي

ماشى يا راما بقى كده
اسئلتك جاية فى الجون
اولا انا الحمد لله عمرى ما اتخدعت فى حد ولا حد خدعنى
ثانيا اقول للى جرحنى ربنا يسامحك وزى ما جرحتنى اكيد هتتجرح زيي
ثالثا انا معنديش اجمل يوم فى عمرى لان الحمد لله الحمد لله كل يوم عندى بيمر بيبقى اجمل من اللى قبله
طول ما انا مع اهلى واصحابى اللى بحبهم وبيحبونى

هههههههههههههههههههههههههههه ماشي تسلمي على صراحتك واجاباتك يا جميل خلص خلصنا هيك لو بدك في احنا تحت امرك ههههههههههههههههههههههه