أنا حقولك النهاردة وصفة جميلة فعلالالالالالالا وده عن تجربة شخصية ومناسبة لكل أنواع البشرة وأحلى حاجة فيها أنها طبيعية مية المية نبدأ:
_ جيبى كوب من الزبادى وأخلطيه كويس(يعنى قلبيه لحد ما يبقى طرى ومفيهوش كتل واحدة)
_ أحضرى خيارة أو نص خيارة حسب ما تشوفى قدر الحاجة أبشريها بالمبشرة
_ خدى البشر بتاع الخيارة وأعصريه بأيديكى كويس فى طبق جانبى حتلاقى نزلت منه المية بتاعت الخيار
_ حطى المية بتاعت الخيار(متخديش القشر بتاعت ده أترمى خلاص)على كوباية الزبادى بشرط متزوديش كتير فى الخيار عشان فايدة الزبادى متروحش
_أخلطيهم كويس أوى وحطيهم على وجهك لحد ما تغطى وشك بيه وأتركيه 15 دقيقة وأغسليه بالماء العادى وشوفى النعومة
ملحوظة:
_ أنتى بتعملى كوباية زبادى عشان تقعد عندك كذا يوم تعملى منها يعنى متحطيهاش كلها على وشك
_ الوصفة دى كمان عشان نعومة بشرتك ونضارتها وبتساعد على أختفاء الحبوب ومعالجة آثار الشمس
يارب تعجبكم وتستفيدوا منها وقولولى بقى علانتايج
***أسيرة الحب***
موضوع: وصفة جميلة لنضارة بشرتك 
الإثنين أكتوبر 22, 2007 3:18 am
