عينى جت عليك بعد سنين بعاد طويلة
بصيت اوام فى عينيك حسيت انى مبعدتش عنك ولا ليله
وقولت كان ليه الفراق بينا وكان ليه البعد
ليه ياحبيبى محفظتش على الوعد
ليه ضيعت كل اللى كان بينا ..ليه سبتنى
ليه عيونك فى يوم حسسونى انك بتحبنى
ليه بقى صعب اوى على لسانى ينطق ويقولك وحشتنى
الحزن فى عيونى بيقولك كلام كتير
بيقولك انك فى يوم جرحتنى جرح كبير
جرح مش عارفة انساه .. جرح مخلى دموعى مبتنشفش
جرح معلم فى قلبى وللاسف جروح القلب مبتنشفش
عايزة اقولك كلام كتير بس لسانى مبينطقش
مش عارفه ممكن تفهمه وتحسه ولا كلامى ليك مبيوصلش
ماهو انت مهما الزمن يعدى عليك مبتتغيرش
والجرح فيك ياحبيبى مبيأثرش
لمونى ناس كتير على حبى ليك
واترجونى انى مفكرش فيك
وصفوك وقالوا بايع وجارح وملكش امان
قالوا لى ان اللى تحبك يبقى سايب نفسه ومستسلم انه يعيش فى حرمان
واحزان وهيفضل على حبه ده طول العمر ندمان
بس اعمل ايه مش عارفه انساك ولا عارفه انسى انى بحبك
صعب اوى عليا انى اعيش وانا عارفه انك مش ليا ..
طيب مين بس هيملى حياتى عليا
وانت جنبى كنت بعيد وقلبى مستغرب
وكان معايا عنيد ...قلبى كان موهوم فيك
ودلوقتى وانت جنبى وعينى فى عينيك
بردو لسه بعيد.. قلبى حس انه لسه شريد
مش عارف هو كان ناسيك ولا لسه بيفكر فيك
معقول بعد كل السنين دى لسه بيدق ليك
بعد كل الدموع دى اللى بكيتها عليك لسه عيونى فيهم نظرة شوق ليك
ياريتنى ماكنت قابلتك تانى .. ياريتك ماصحيت فيا احزانى
خلينى كده انا مبسوطه بكتمانى
ومبسوطه ان حبى ليك بقى سر
ميعرفهوش حد تانى ..........................[center][b]
موضوع: عينى جت عليك** 
السبت مارس 29, 2008 5:48 am
