أوبــريـت { فلسطيــن }

عشرات كل يوم بتموت .. والأيام عمالة تفوت
وحنا راضيين بالسكوت
ونيـران عمـالة تزيد .. وأهات ماليا البيوت
وحنا ساكتين لليهود

( بنت ) قلبى واجعنى وأختى بتبكى .. نفسى أخدها فى حضنى وتشكى
نفسى لـو مـرة أعوضها .. عـن أى قلب عليـه بتبـكى

( ولـد ) قلبى واخدنى ليك ياخويا .. ونت ملياك الرجولة
ونتى بتضحـى بحياتك .. لأرض ملياها البطولة

( بنت ) أبنى وبنتى فى حضنى تعالو .. بكره الكون يتغير حاله
بكره هانقدر نبنى وندرس .. بكره هانكبر نرسم ننجح

( المجموعة ) ياله ياشعب الأمة العربى .. مش هايفدنا الشعب الغربى
وحــد نفسك للطغيان .. قبل ماتبقى فى يوم ندمان

( ولـد ) كل مجزرة نرفع راية .. بعد يومين نفس الحكاية
ولسـه شغـالة الرواية .. نفسنا نكتب النهاية

( بنت ) مين يقول اننا عايشين .. وكل يوم بيموت مساكين
أمتى بس نكون جادين .. مش بس تعاطف يافلسطين

( ولـد ) يافلسطينى معاك بقلوبنا .. كل جراحكم بتعذبنا
عمر الظلم ماهيموتنا .. قلب معاكم بكره بأيدنا

حكايات من سنين بتعود .. والأحزان فوق الخدود
أمتى صلاح الدين يعود
حصارات مابين الحدود .. ونتهكات عمالة تسود
دول مافيش منهم وعود