{ بــوعــدك }

بوعدك كل زرعة شوك فى قلبى زرعتها
هايجى يوم تعيشها زى ماعشتها
بس أصعب منها لازم لازم تحسها

عايز جراحك تختلف عن جرح غيــــرك
تموت مشاعرك تتخنق يموت ضميـرك
وكل دمعة سالت يوم على خد غيـرك
تفضــل تعانــى منها لأخر يــوم باقيلك
بتمنى يبقى هو هو ده مصيرك

أنـــا عمـــرى ماتخيلــت يـــوم يبقــى كــده
تموت مشاعرى بشكل وحشى بالشكل ده
بتمنــى عمـرى يطـول وشوفـك يــوم ضياعك
يهد قلبك الزمـن على كل لحظة مـن خداعك
بتمنى يبقى هو هو ده مصيرك

أشــوف عينيك دبلانــة مــن كتـر الدمــوع
قلبك يعافر ينتصر ولا يلقا يوم لحظة رجوع
لازم تحـــس بمعنـــــى كلمــة الجـــــراح
قلبـى اللى ساكـن جـوه منـى فجـأة راح
أزاى ياقلبــــى هارجعك مابقتش حاجة تنفعك
عارف وحاسـس بيك ياقلبـى كل نبضة بتوجعك
كل نبضة بتوجعك يارب يبقى هو هو ده مصيرك