هـاكتـب علــى قلبــى ( 2 )

هاكتب على قلبى ممنوع الاقتراب هاكتب ده قلب عاش بالجرح وبالعذاب
هاكتب وقول للحب أبعد كنت ليا وهم وسراب
هاكتب وقول مابقاش يهدى ولاينام تعب من صرخات الألام
هاكتب وقول حسو بأهاته مش يبقى ياناس حرام

كل ماقول لمشاعرى ارتاحى قلبى يقولى طب وجراحى !!
وسط شوق كل الهموم قلبى م الحب محروم الحب دلوقتى ما بقاش له طعم ولا حتى لون
الحب عمره فى يوم مايدوم

كل ماقول للدمعة كفاية تقولى شوفت النهاية !!
طب ليه يكون الحب بداية لدمع الأهات صرخ الممات برد ونار مكتوب فى رواية
الحب عمره ماكان حكاية

كل ماقول للعمر أحكيلى أيه اللى فاضل واللى باقيلى !!
يقولى شوفت فى حبه ويلى والعذاب فى نهارى وليلى والموت بيصرخ بيناديلى
الحب عمره فى يوم مايجيلى

كل ماقول للروح براحة ليه يكون الموت فيه صراحة !!
تقولى الحب مافوهش راحة ونت اخترت قلوب جراحة يبقى الموت أحسن بصراحة
الحب عمره م كان للراحة

كل ماقول لجراحى قوينى تقولى جراحى طب نسينى !!
ولاقى كل الحب فى عينى خوف وويل أها فى سنينى يوم ماتجينى هاتبكينى
الحب عمره ماصان حنينى

ناس والحب ده هو خيالها تجرح تأسى وتظلم غيرها
قلوبها مات جواها مشاعرها مات أحساسها ومات ضميرها
قلوب بتكره جواها خيرها عايشة بتنكر حب باقيلها
نفسنا نفهم يوم تفكيرها نفسنا نمحى عذابها وويلها
ناس وغابت عنها الرحمة موجة وواخدة الكل فى زحمة
ناس بتقتل كل فرحها غابت عنها جمال ملامحها
ناس وبتقتل حب حاضنا عايشين بس بدون تفكيرنا
انا بقى خايف يبقى مصيرنا نقدر نجرح يوم زى غيرنا
او الحب يسيب زمنا اصل الكدب خلاص فى لسانا
تاه المعنى وسط كلامنا كرهنا حتى ياناس أحلامنا

قلبى أسير لجراح الحب طيبته دى كانت هى الذنب !!
قلبى أمير فى دنيا الغلب بصفته فى أيدى بقايا قلب !!

بجد يا عمر والله مش عارفه ارد واقول ايه
انت عايز شاعر يكتبلك رد على شعرك
والله انت معلم

ربنا يخليكى عاشقة تسلمى بجد دايماً منورانى ودايماً بتسعدينى بردودك وبترفعى من معنوياتى ومش كلام ده بجد بيحصل ربنا مايحرمنا من وجودك تحياتى ليكى

جميل جداا ياعمرو تسلم ايديك بجد الكلام تحفه كالعادة ........................... الى الامام دايما يااامااااان

تسلمى ياقمر انتى تحيااااااااااااتى ليكى