((قصة حب صديقين))..اهداء خاص لعاشقة الليل عشان عيد ميلادها

[b]]((قصة حب صديقين))

حبيبتى اللى مالى غنى عنها.. ده أنا أبيع الدنيا عشانها
الوحيدة اللى فاهمانى.. وجوه فى قلبها شايلانى
لو مهما كان حواليا.. أصحاب أو أحباب جمبايا
بتبقى هى اللى فى عينيا.. أعز وأغلى واحدة عليا
دى حبيبتى وأختى وكل ماليا.. دى هى اللى ماليه الدنيا عليا
غالية والله فى عينيا.. وكل حياتها ملكى وليا
أديها كل أبتساماتى.. لو حتى حعيش فى آهاتى
بتحبنى وبتخاف عليا.. وباينة معزتها ليا
لو أطول أبعد آهاتها.. وأفرحها بقية حياتها
حفضل معاها على طول.. لو مهما العمر يطول
عارفين لو يوم زعلت منى.. يبقى خلاص طار النوم منى
لو يوم هى زعلتنى.. متمشيش وتسبنى
تقعد جنبى تصالحنى.. ومتمشيش غير لما تريحنى
ولما آجى أكلمها.. تتدلع عليا بزيادة
تتدلع عليا وأنا راضية.. ما أنا ليها على طول فاضية
عارفين أحلى حاجة فينا.. ومخليانا عايشين حياتنا ليا
أننا فاهمين بعضنا.. يمكن أكتر من نفسنا
عارفة عيوبها وعارفة عيوبى.. ولاعمرنا نفتكرهم ولايوم ضايقونا
قصاد بعض أحنا كتاب مفتوح.. وبعيد عن بعض نبقى جسد من غير روح
بنكمل بعضنا.. ونعيش لبعض حياتنا
نحب بعضنا.. وننسى مع بعض آهاتنا
لو يوم عايزين نشكى ونبكى.. ما ألاقى غير حضنها ولا تلاقى غير حضنى
تخفف عنى آلامى.. وأشيل عنها همومها
أنسى هموم أيامى.. يوم ما أشوف عيونها
صيناها وجوه جوه.. قلبى شايلاها
معزتى ليها كبيرة.. و حبى ليها ملوش حدود
ساعات بتحس أنها.. عندى شخص عادى
أضحك وأقول.. بس لما تيجى قصادى
حتشوف قلب .. عليها يخاف
دايما هى عنده.. أعز الناس
أشيل منها الأحساس ده.. وأرجعها تحس أنها حبيبتى وبس
لو مهما الناس قربت ليا.. أو ملايين خافت عليا
ما فى غير حبها فى قلبى.. و مش حتلاقى أكتر من معزتى ليها
أحلى حاجة عندنا .. أننا واثقين فى بعضنا
عارفين أن لو مهما حد شدنا.. بنرجع حبنا أقوى من الأول
لو حد فى لحظة تاه.. نقول دى لحظة طيش وحنرجع أحسن من الأول
ويارب ما حد فينا .. فى يوم بعاده يطول
حبيبتى وبحبها.. وأنا حياتها كلها
ربى يخلينى ليها.. علشان أثبتلها أنها أغلى عندى من حياتى كلها
حب ملوش فى الدنيا مثيل.. ولا يوم عنها أرضى ببديل
وعارفة أنى عندها.. مالية حياتها وقلبها
بس ساعات أدلع عليها وتتدلع عليا
امضاء:
**أسيرة الحب**[/b]

يارب بقى يعجبك كلامى ومعلش هو طويل شويتين بس دى صداقة سنين ممتوصفش فى كلمتين
مفيش فايدة برده برد بالشعر معلش بقى هههههههههه

ايه يابنت الجمال ده احساس اكتر من كلمة ومشاعر جميلة بينكم وياريت الدنيا تبقى كلها زيكم كده
وربنا يخليكوا لبعض ومايحرمكوش من بعض يارب وهايل هايل اسيرة وكل سنة وانتى طيبة ياعاشقة

يسلموا هالايدين الي كتباهم فعلا لو في 2 تانين زيكوا ما كانتش الدنيا كدا ربنا يديمها عليكوا يا رب الكلمات جميلة جدا والاحساس رااااااااااااااااااااااااااااااااااائع تسلمي يا رب

مش عارفة اقولك ايه يا اسيرة بجد ربنا يخليكى ليا ياحبيبة قلبى وميحرمنيش من وجودك جنبى ابدا
بجد الكلااااام رائع ومفيش كلام يوصف احساسى ناحيته ابداااا ومفيش غير كلمة واحده هقولها لك تسلم ايديكى االلى كتبت الكلام ده ويسلم قلبك اللى وصلك الاحساس اللى كتبتى بيه الكلااااااااام ده ...
وكل سنه وانتم طيبييييييييييين ياحلى اخواااااااااات واصحاااااااب فى الدنياااااااااا

الله علي الفن

ميرسى جدااااااااااا ليكم يا جماعة على ردودكم الجميلة دى كللللللللكم

نيس توبك

اولا الكلام تحفه واحساسه عالى جدااااااااا الله عليكى بجد يا اسيرة
ثانيا كل سنه وانتى طيبه يا عاشقه وعقبال مليون سنه