روحلها

لو بتحبها روحلها

ايه الى مخليك معايا مادام قلبك مشتاق لها
مدام ماتقدرش تبعد عتها
روحلها مدام اخلاصك يا حبيبى زاد لها
ارجعلها وقولها انك لسه بتحبها
مادام ماتقدرش تنستغنى عن حبها
ومدام انت يا حبيبى مش قادر تبعد عنها
مادام مش قادر تستحمل وتنسى بعدها
وبتحاول تحبنى عشان تنسى حبها
يبقى حرام بجد انسانى يا حبيبى وروحلها
ياما ياما كتير اوى حكيتلى عنها
وعن لياليكوا وايام ماكان قلبك بيحب قلبها
ايام كنت فاكر ان قلبك مخلوق لها
وانا كنت بسمع واحاول اشيل من قلبك همها
حاولت ليالى كتير انسيك حبها
وواسيت قلبك كتير علشان اشيل منه جرحها
بجد خلاص تبعت تعبت منك ومنها
مش عارفه انسيهالك وكلامك كله عنك وعنها
ةتيجى تنادينى تغلط وتقول اسمها
كلامى ليك دايما بيفكرك بكلامها هيه وهمسها
معقول كل ده حب حبيته يا حبيبى لها
بجد خلاص لازم ابعد عنك لانك مش ناسيها
كل كلامك ليا معناه انك بتفكر فيها
طب ده قلبك مليان جراح حاولت كتير اداويها
لكن ماقدرتش عينيك على طول رايحه ليها
وبتتمنى تانى ترجع من تانى وتلمس ايدك ايديها
شايفه فى عينيك الجرح والشوق ماليها
شوق بيروح ويجى عليها مشتاق لنظره عينيها
مش قادر تنساها ولا تنسى ليالى ماضيها
انا دلوقتى خلاص ماشيه مه قلبك مخلوق لها
بجد خلاص انسانى يا حبيبى وروحلها

انا كاتبه التوبك ده ف موقع تانى والفكره بتاعته ختها من هنا لو فى مشكله ولا حاجه ممكن امسحه
بس ده بردو انا الى مالفاه

الفكرة جميلة وتنفذها اجمل وربنا يوفقك يا انجى

جميل جدااااااااا ياأنجى مفيش مشاكل ولا حاجه

جميلة موووووووووووت يا انجى مش قلتلك الى الامام ومفيش مشاكل خالص يا انجى خسارة يتمسح

ثانكس على الردود عمرو وعاشقه واسيره ميرسى ليكوا وعلى ردودكوا المشجعه

ميرسى لردك يا راما يا قمر حادر باذن الله مش هطول يا حبيبى