سنيــن العمــــر

سنين العمر فاتت اشواق ومحبة ماتت
والأهات جوايا زادت مالحب مشاعرى خافت
خايفة تظهر يوم لقلب خايفة حد يحسها
لتعيش نفس الجراح والكدب فيها يهدها
خايفة تصرخ يوم لقلب بكل حب انا بحبك
خايفة تخطف من الزمن احساس لكدب وتانى تدفع التمن
خايفة تهرب مالجراح للجراح والجرح يقتل حبها
خايفة نورها يبقى ليلها بأيديها تقتل حلمها
والمشاعر فيا حب والغرام دلوقتى كدب
امتى بس الاقى قلب يخاف عليا يحبنى
والعيون اتغيرت والمشاعر اتبدلت
احساسها بقى كلمة عايشة كل حاجة اتحولت

نفسى أفرح بيك ياقلبى نفسى اشوف الحب مالكك
نفسى تحس دفء المشاعر نفسى تلاقى حد فاهمك
حد برقتك وبطيبتك وبحنيتك حد فرحه تكون فرحتك
حد بكلامك بلمسك بسحرك بهمسك حد يسكن دنيتك
امتى اشوف الفرحة فيك امتى تفرح يوم عينيك
امتى حد يحس بيك يقدرك ويخاف عليك
سبت نفسى للزمن ورمانى لحب رخيص
دلوقتى بدفع التمن دلوقتى مش عارف اعيش
هانسى لما تحب تانى تحب قلب مخلوق عشانى
مش عايز قلب يكون انانى مش عايز الجرح تانى
محنا شوفنا فى حبنا الأولنى جراح وعايشة بين احضانى
بحسها وبشوفها دمعة بضمها وفى القلب وجعة
لاعايزة تفارق ولا عايزة تبعد
لسه ساكنا لسه عايشة لسه قادرة تهدنى
لسه قادرة تضمنى والحلول جوايا ساكتة
عشان مافيش فى القلب فرحة
امتى بس ياقلبى تلاقى قلب امتى يوم تعيشها حب
امتى فين قلب مين نفسى اعرف قبل ماتفوت كل السنين