أنـا اليتيـــــــم

أنا اليتيم وفى قلبى هم ملوش حدود
موجود وعايش بس حاسس ان عمرى ملوش وجود

ساعدونا وبقوا دايماً جنبينا
ساعدونا خلى قلوبكم بحنانها تفضل حوالينا
ولا مال وشىء هاينفع الوحدة كتير بتوجع
وعيونا كتير بتدمع لما نحس اننا وحدينا
زورونا وحسوا بينا خليكوا قصاد عينيا
بالمحبة وبالغرام هانحس ان احنا لينا
أهل وخايفين علينا بيحسوا باللى فينا
ولو شافوا دموع عينينا بالحنان هايدادو فينا

أنا نفسى اقول يابابا ونا نفسى اقول ياماما
ونتوا بالبعد ياما قسيتو كتير علينا
بالمال بتعوضونا بالمحبة بتحرمونا
خلونا نحس مرة أن حد حاسس بينا
خلونا قلب واحد احساسنا يبقى واحد
ونحس ان احنا منكم وتحسوا ان احنا منكم
ماتبخلوش بحنان موجود جوه قلوبكم