ياترى بتحبها......؟؟؟

شيفاك باصص لها ياترى بتحبها
سألت نفسى ياترى بتحسها ..عينيك بتشتاق لها
ياترى بتخلص لها ..ولو بتخلص لها طيب شاغل نفسك ليه بيا
ليه شيفاك بتفكر فيا وعينيك فى كل مكان على طول عليا
بتحبنى ولا بتحبها ...بتحسنى ولا بتحسها
هى مين فى حياتك وانا مين!!!
هى فين فى قلبك وانا فين !!!
ماهو استحاله تكون بتحب اتنين
ايديك فى ايديها بتسلم عليها وعينيك معايا
قلبك نفسه فى يوم يحس بهوايا
عينيك بتتمنى تفضل معايا
وانت لسه حيران ..على حبها ندمان ولا حاسس انك مشيت مشوارى ورجعت منه خسران
صدقنى صعب عليا اشوف لمحه حزن فى عيونك والله مقدرش اشوفك زعلان
بس انت للاسف اللى قلبك جبان ومش عارف يختار
انت اللى رامى قلبك وسط النار وسايبلى قلبى انا يعانى من
الدمار
وخلاص انا بقيت على وشك الانهيار
لو خايف طمن قلبك ما انا قولت لك قبل كده انى عايزة اعيش جنبك
وعايزة افضل معاك
بس لو انت مش بتحبنى صدقنى سهل اوى انى انساك
انا مببقاش على قلب جبان قلب بايع
ولا بحب انسان خداع انسان من الاساس انسان ضايع

جميييييل اوى يا بندقة بجد فكرته حلوة واكتر حاجة فيه اسمه حلو كمان شكرا ليكى

بصراحة ومن غير اى مجاملات الموضوع ده جااااااااااااااااااااااااااامد بجد جميل
ولغة الحوار فيه حلوة قوى تسلم ايدك عاشقة وننتظر منك المزيد وبالتوفيق دايماً

ميرسى يا وزه نورتى ومنوره دايما يا حبيبة قلبى بردك الجميل
ميرسى ياعمرو نورت التوبيك واكيد الموضوع بقى اجمل بردك

توبك جميييل جدا جدا تسلم ايديك يا قمر

ميرسى يا انجى نورتى بمرورك وردك

الله التوبيك دة والله جميل جدا وعجبنى احساسك اوىىى لا بجد بتعرفى توظفى الكلام كويس جدا ودة من احلى المواضيع اللى انا قريتها فى المنتدى وكفاية عنوانه ياترى بتحبها؟؟ لا جميل وياريت بقى نشوف الاحسن منك

ميرسى جدا ياقطر الندى ربنا يخليكى المنتدى منور بيكى والتوبيك منور بردك الجميل

بصي ايه رايك نغير اسم المنتدى لمنتدى الشعراء الله بجد احساس جميل جدا منك يسلموا بجد

ههههههههههههههه ربنا يخليكى يارامااااااا ياعسل