هـاقــول لقلبـــى أيــه

هاقول لقلبى ايه أنك لعبت بيه
وان اللى كنت شاريه باع سنينى وهان عليه
هاقول لقلبى ايه انك أسيت عليه
وان الحب اللى بينا ضيعته وبقيت ناسيه
هاقول لقلبى ايه ايه ايه

اسمع ياقلبى حب عمرك اللى كنت بتنديه
وكنت حاسس بكل شوقه وكنت عايش بس ليه
اسمع ياقلبى بيقولك ايه انك خسارة تحس بيه
وان الحنان اللى انت شوفته وان الغرام اللى انت عيشته
والكلام اللى انت قولته عمره يوم ماحس بيه

هاقولك ايه تانى ياقلبى ماكنش باين مستخبى
ان الوعود تتباع كده وتعيش حزين بالشكل ده
حرام عليه الظلم ده هو انتا يعنى عملت ايه
كان كل ذنبك حبيته بعت الحياة وشتريته
شوفت عمرك بين ايديه وبسهولة هان عليه

هاقولك ياقلبى ايه ايه ايه

استنى بس وفهمينى انتى ليه بتظلمينى
وليه قربتى من سنينى وعملتى نفسك بتحبينى
وبسهولة بتبيعى الغرام وبتيجى عليا وتجرحينى
هو انتى ايه قلبك ده مخلوق من حجر
عايشة الحياة بتقتلى قلوب البشر
افهم ياقلبى انه باعك انه كان عايز ضياعك
وما سلمت الحنان بكل قسوة داس عليك

قلبى انا اسف على الجرح اللى فيك
سألت عقلى وقاللى هو عايشها ليك
بس بانت الخيانة انه باع سنين هوانا
وبقولها انا بكل أمانه قلبى خسارة فيك

هاقول لقلبــى أيه

جميلة اوى يا عمر بجد بس للاسف حنعمل ايه يعنى ولا فعلا نقول ايه هو حاجة عشناها وخلاص خلصت بايدهم هما مش بايدينا ولا كان لينا اى اختيار

منورانى كالعادة بمرورك وبردودك شكراً ليكى أسيرة

بجد جميله اوى ياعمرو تحفه كالعاده تسلم ايديك وعايزين نشوفك فى الاقسام التانيه بتوحشنا والله

مش عارف اقول ايه ارد بيه على الكلام التحفه ده بجد تسلم ايدك وانا بحب الشعر الحزين جداااااااااا :cry: