كنت بحبك بجد..............

كنت بحبك بجد وانت موعدتنيش باى وعد
وكنت حاسه انى مالكه الدنيا وانت جنبى ومعايا
ومكنش قلبى مصدق انه لاقاك وانا معاك عايشه احلى حكايه
حسستك بحبى .. ضحيت لك بعمرى ...قدمتلك هوايا
كنت اغلى من كل غالى كنت انت قمر الليالى كنت ساكن عيونى
وبعد ما حبيتك واديتك حبى وحنانى واخلاصى
انا جايه النهارده بطلب منك خلاصى ..وعايزاك تقولى ؟؟؟
بعد الخيانه ايه تانى صعب ممكن احسه معاك... بعد ماقلبى منى ضاع تفتكر انى هكون باقيه لسه على هواك
انا خلاص نسيتك ومش عايزة اعرف ليه انا حبيتك ولا تانى هبقى على قلب خاين وغدار
قلب انانى قلب عمرة ما قدر حنانى قلب كان بيوهمنى بالحب وهو عمرة ما كان علشانى
من يوم ما حبيتك وانت كداااب عامل زى موج البحر غدااار وقلاب
وبعد مانسيتك وبعدت عنك انت النهارده جاى ندمان وحاسس انك فى حقى كنت غلطان
وعايز تانى ترجع !!!
ارجعلك بس ازااى وانت اللى كنت سبب كل الدموع كل الجروح انت السبب فى انى دلوقتى قلبى مدبوح
استحاله تانى هفكر فيك ..واستحاله انى بالغالى اشتريك
مش عايزة حاجه تفكرنى بيك ولاعايزاك تقولى وتترجانى انى ارجع ليك
من النهارده خلاص قلبى مبقاش ليك
من النهارده انسى انى تانى افكر فيك ولا تحلم انى فى يوم ممكن ارجع ليك
انت ماضى وصفحه كانت فى حياتى وانا قطعتها ومشاعرى بالحب ليك خلاص بدلتها
ونسيتك ونسيت هواك وعمرى تانى ماهتلاقينى جنبك او معاك

اوعى يكون كلام صاحبتك هههههه

كلام جميل واحساسه اجمل وابدعتى فيه وليه كنتى حرمانا من كلامك الحلو ده
مش تبخلى علينا بقى بكلماتك ونتمنى منك المزيد وربنا يوفقك وإلى الأمام دايماً

ملحوظة كنت شايف انك تكتبى بعد جملة قدمتلك حبى وكده تكتبى انك حسيته ولمسته وصدقت حبى وقلبك كان حاسس هوايا وبتديت مشاعرك جوه منى تضمنى حسستنى انك حقيقى بتحبنى وضيعتنى وكان هواك كدابة وعايشة جوه منك وبعدت عنى ونستنى ونسيت اجمل هوا وندمت تانى ندمان وعايز نكون سوا اقصد بالكلام ده بما انك كتبتى عن خيانته ان هو حس حبك ده وبتديت مشاعره توعدك بصدقها علشان تلغى كلمة انك ماوعدتنيش ماعرفش اذا كنت صح او غلط بس فى كل الحالات احساسها حلو وعجبتنى

هههههههه لا ياعمرو ده كلامى انا ,وبالنسبه للملحوظه انا مش فاهمه انت تقصد ايه