مــــش هنســـــاكـــــى

مش هنساكى ياللى فارقتى الحياة وقلبى معاكى
مش هنساكى ياللى عمرى أبتدى بلحظة لقاكى
مش هنساكى

سمعانى طبعاً حاسة بيا
شيفانى طبعاً أيه اللى فيا

شايفك وحسك كل لحظة قصاد عيونى
شايف ملامحك جايين عليا بيحضنونى
صوتك وقلبك جايين عليا بيندونى
بيواسو قلبى عـالفراق ويودعونى
دول مهما بعدوا عنى بردو قصاد عيونى
مش هنساكى

عارفة حبيبتى أد أيه صعبان عليا
أن الفراق ده غصب عنى مش بأيديا
كان نفسى تفضل جنب منى وبين أيديا
بس الحياة دى طبعها ومكتوب عليا
بس الفراق ده أد ايه صعب قوى بيهد فيا
مش هنساكى

أصعبها حاجة ممكن يوم تحسها
تفارق عيونك حاجة أنت بتحبها
وفكل لحظة تنده عليها محتاج لها
تلقاها صورة قصاد عيونك بتضمها
حتى لو أنت كنت فعلاً بتحسها
مش هنساكى

جميبلة جدا طبعا كالعادة والى الامام بس نرجو المشاركة كمان فى باقى الاقسام عايزين نشوف جمال فى كل قسم

ايه الجمال ده يا ميكانيكى
نتمنى المزيد

موضوع تحفة كالعادة

ازيك اسيرة والله المشكلة ان بقية المنتديات مش شايف نفسى فيها اد ما انا شايف نفسى فى القسم ده بس هاحاول وشكراً ليكى ياقمر

هاى عاشقة الليل منورانى كالعادة الله يخليكى ونتمنى نشوف منك كل ماهو جديد مش تبخلى علينا انتى كمان وشكراً ليكى ياقمر

ازيك ياجميل منورانى دفء هو الموضوع ده فعلاً من المواضيع إللى بحبها قوى لانى كنت حاسسها قوى واتمنى انى ابقى دايماً عن حسن الظن وشكراً ليكى ياقمر