>> للحـب قاضـى ومحكمـة <<

على أيدك انت دخلت السجن وكنت أب وكنت أبن
لقلـب كـان حبـه أوى
وكنت تبعـد ونا بحـن وكنت حـب وبيك بجن
ماهو أصل حبك كان أوى

بس النهاردة مـش هاتبعـد لسـه فاضل جلسـة واحـدة ومحكمة
هو انت فاكر الدنيا سايبـه ده الهجـر صعب وحاجة أصـلاً محرمة
ونت هجرت وليك رجعت بس انت سيبت فين بس عاشقة ومغرمة

بحكم القلب اللى كان يحب وحبه ليك م الأرض لأبعد م السما
وكنت ليـه أحساس بجـد وعشت حب وجـى تبعـد أنما
الحـب وعـد وأى حد يسيب حبيبه للحب قاضى ومحكمة

بعـد اطلعنا على حبـه ليكى ون انتى فعلاً بحبـه كنتى متيمة
سجنتى حزنه كده جوه منه وهان عليكى بكلمة واحدة ومؤلمة
وهو لسـه بالخير شاريكى ونفسـه فيكى قررنا أحنا المحكمة

قـررنا أنك ترجـع تضمـه تخـده فى حضنك وديلـو بوسـة مقدمة
تحلف بأنك هاتبقى جنبه ويبقى منك وعليـه هاتقفل قافلة جامدة ومحكمة
تحميـه وتبقى كـده زى ضلـه وتخـاف عليـه ده العمر لحظة مدونة
وفين هتلفا كـده زي ضلـه ده اللى زيـه ضلـه دى دنيا مـؤمنـة
أحساسها فيها وشـوق ماليها ماهـو هـو بيها كان حبه دولة معظمة

فى حكم القلوب كان قلبى قاضى ومجنى عليه ونفسى اقولك ان انا
عمال بدوب فى الحزن ونت ماعدتش تفرق مع انك انت كنت انا
أحساس بيقوى ونت ضعفت أو قـولت اعيش لحـب تانى ربما
لكن خلاصة كل كلامى لـو لسـه باقى أرضى بحب المحكمة

ون كنت يـوم أسيت عليك أو اندفعت وغلطت غلطة صغيرة
أنا بعتذرلك وبقول ياريت ترجعلى أصل الموت فى لحظة قصيرة
ونا نفسى امـوت ونا روحى فيكى ماهى مـوتة حلوة حنينة