قلبى الحزين مشى مشوار السنين ورجع خسران

وعلى حبك واخلاصه ليك راجع ندمان

قلبى حبك ومكنش متوقع منك خيانه ...واستناك واتحدى بيك الدنيا وقال كل صعب هيعديه معاك...

انت اللى كنت بايع ولا كان باين عليك هان عليك قلبى وهان عليك اخلاصى ليك

سنين العمر اللى فاتت ضاعت معاك وانت متستهلش

كان نفسى بس اصدق انك متتأمنش ... قلبى وثق فيك وسلم امره ليك وباع كل غالى واشتراك وانت كنت انانى عايش ورامى قلبى وحبى وراك

اعمل ايه بعد السنين دى كلها .. تخون واسامح ..تجرح واداوى..تبعد واصبر قلبى واستنى... واقول اكيد هيرجع وبحبه هعيش واحلم معاه واتمنى

اتاريك انت عذاب السنين اللى جايه زى ما كنت مرار السنين اللى فاتت

بعت كل الحب اللى فى قلبى ليك قلبى اللى كان لاخر لحظه شاريك وعنده احساس انه هيبقى ليك اتارى احساسه غلط واوهام..سراب ودخان ,,,قلبى راجع لى ندمان وبيقولى انا عمرى تانى ما هسمحلك ترمينى فى طريق انسان انانى جبان اختار اسهل اختيار ...اختار النسيان والبعد اختار انه يرمينى فى النار.. يعيش ويفرح هو ويسبنى لوحدى انا انهاار

وكمان اختار ...انى بسهوله اتخان وابقى فى خبر كان

ملقيتش رد ارده ولا عرفت ازاى اواسيه كل اللى قولتهوله خليك ياقلبى طيب واوعى تجرح اللى جرحوك علشان اللى جرحوك اختاروا اللى اكيد هيجرحوهم فى يوم ... واكيد هيجى يوم هتبكى عيونهم انهم خسرونى وبسهوله باعونى وباءيدهم جرحونى ولا حاسوا بنارى ولا بمرارى

مكتوب عليا الجرح منهم والعذاب ماهو ده ذنب قلبى اللى داب فى حب انسان ملهوش امان... انسان كداااااب

ياريتك ياحبيبى ما كنت انانى ياريتك جربت تعيش علشانى كنت استحاله تخونى واستحاله تنسانى

كنت حبتنى بكل ما فيك كنت اتمنيت انى اكون ليك ....بس ياخساره طلعت خاين و الخاين نهايته معايا جباره وعمرك فى يوم ماهتشوفنى مهدوده او منهاره

هنساك واسيبك واتعلم بسهوله ابيعك وكمان مش هتبقى ذكرى لان الذكرى غاليه و الغالى من النهارده خساره فيك



يارب تعجبكوا ومستنيه ردودكواااااا